|
Құрметті аудан тұрғындары!
Сіздерді, мемлекеттік мереке - Қазақстан Республикасының Тұңғыш Президенті күнімен шын жүректен құттықтаймын!
Елбасы Нұрсұлтан Назарбаев - жаңа тәуелсіз мемлекеттің негізін қалаушы, оның бірлігін қамтамасыз етуші, ел Конституциясын, адам мен азаматтың құқығы мен бостандығын қорғаушы, әлемдік бастамалардың бастаушысы. Тәуелсіздіктің ширек ғасырында біздің еліміз биік белестерді бағындырып, әлемдік қоғамдастықтан лайықты орын алды. Елбасының бейбітшіл, ынтымақшыл ішкі және сыртқы саясаты мен стратегиялық бастамасының арқасында «Мәңгілік Ел» Ұлттық идеясымен біріккен біздің халқымыз бірлік пен татулықты жоғары қойып келеді.
1991 жылғы 1 желтоқсанда бүкілхалықтық дауыс беру барысында Қазақстан Республикасының Тұңғыш Президенті сайланды. Халық Тәуелсіз Қазақстанның қалыптасуы мен дамуының жолын айқындайтын таңдау жасап, елдің сенімді болашағының негізін қалады. Елбасының салиқалы саясатының арқасында Қазақстан Орталық Азия аймағында және ТМД елдері арасында алдыңғы орынға шықты. Астана қаласында «ЭКСПО-2017» халықаралық көрмесі табысты өтіп, еліміздің беделі биіктеді.
Жаңа дәуірге қадам басқан еліміз дамыған 30 елдің қатарына қосылуға бет алды.Тәуелсіз еліміздің қол жеткізген табыстары Елбасы есімімен, оның ерен еңбегімен тығыз байланысты.
Тұңғыш Президент күні – бұл тарихи таңдау күні, барлық қазақстандықтардың Ұлт Көшбасшысы, Елбасы Н.Ә.Назарбаевтың төңірегіне топтасу күні. Айтулы мерекені елмен бірге тойлап отырған аудан халқы да оны мызғымас бірлігімен, тиянақты тірлігімен, берекелі еңбегімен қарсы алуда.
Қымбатты аудан тұрғындары!
Баршаңызды мерейлі мерекемен құттықтай отырып, мықты денсаулық, береке, Отанымыз – Қазақстан Республикасының игілігі жолындағы еңбектеріңізге жетістіктер тілеймін!
Рахматілдә рахманбердиев.
аудан әкімі.
Қымбатты байзақтықтар!
Сіздерді мемлекеттік мереке – Қазақстан Республикасының Тұңғыш Президенті күнімен шын жүректен құттықтаймын.
Президентіміз Нұрсұлтан Әбішұлы Назарбаевтың көреген саясатының арқасында елімізде ауқымды саяси және экономикалық өзгерістер болды. Бүгін Қазақстанды мемлекеттіліктің барлық нышандары бар егеменді ел деп айтуға толықтай құқығымыз бар, еліміз экономиканы дамытуды, әлеуметтік саланы нығайтуды, демократиялық өзгертулерді жүргізуді жалғастырып жатыр. Тәуелсіздік жылдары Елбасының ғаламдық бастамаларының арқасында Қазақстан бүкіл әлемге танымал болды, өйткені біздің Президент бастаманы ұсынып қана қоймай, оны жүзеге асырады.
Еліміздің егемендігі мен тәуелсіздігіне, Ата Заңның тұрақтылығы мен баяндылығына кепіл болған еліміздің Тұңғыш Президенті Н.Ә.Назарбаевтың ел дамуына қосқан үлесі өлшеусіз. Елбасы есімі - Егемендік, Тәуелсіздік, Қазақстан, Отан, Бірлік сияқты ұғымдармен қатар айтылады.
Елбасы – татулығымыздың, береке – бірлігіміздің тұрақтылығымыздың кепілі. Тұңғыш Президентіміздің еңбек жолы – жас қазақстандықтар үшін үнемі үлгі мен тағылымның мектебі болып қала бермек.
Ендеше, халқына қуаныш сыйлаған «Тұңғыш Президент күні» мемлекеттік мерекесі құтты болсын. Сіздерге мықты денсаулық, отбасыларыңызға бақыт, сәтті күндер мен зор жетістіктер тілейміз.
Нұржан Тлепов.
Аудандық мәслихат хатшысы. |
1 желтоқсан - Қазақстанның шежіресінде үлкен мәнге ие. Себебі, 1991 жылдың дәл осы күнінде тұңғыш рет қазақ даласында Президент сайлауы өтіп, халықтың басым дауысымен Нұрсұлтан Әбішұлы Назарбаев ел басшысы болып сайланды. 
