|
Аудан әкімі Р. Рахманбердиевтің тұрғындарды Астана күнімен құттықтауы
Қымбатты аудан тұрғындары!
Сiздердi мемлекеттiк мереке - Қазақстан Республикасының Елордасы –Астана күнiмен шын жүректен құттықтаймын!
Барлық қазақстандықтарға айрықша қуаныш сыйлап, рухын асқақтататын бұл мереке баршамыз үшін қымбат. Өйткені Астана - Отанымыздың жүрегi, тәуелсiздiктiң тiрегi саналады.
Мемлекет басшысы Н.Ә.Назарбаевтың батыл шешімінің арқасында Сарыарқаның төсінен орын тепкен Астана-шығыс пен батыстың озық үлгілерін бойына жинаған, алуан мәдениет пен өркениеттің алтын ордасына айналды. Әлем елдерінің басшылары бас қосып, жаһандық проблемаларды шешетін, бейбіт бастамаларды іске асыратын халықаралық саясаттың ордасы да Астана.
Елорда – еліміздің жүрегі, тәуелсіздігіміздің нышаны, халқымыздың мақтанышы. Қазақстанның өсіп-өркендеуі және ұлттық экономикамыздың дамуы үшін серпінді жаңа қуат көзі саналатын Астана қаласында бүгінде өтіп жатқан ғаламдық шара «ЭКСПО-2017» көрмесі еліміздің мәртебесін биіктетіп отыр. «Болашақтың энергиясы» тақырыбымен өтіп жатқан ауқымды шараға жүзден аса мемлекет пен жиырмадан астам халықаралық ұйым қатысып, энергияны үнемдеудің озық жобалары жұртшылық назарына ұсынылуда.
Қымбатты аудан тұрғындары!
Баршаңызды мерейлі мереке–Астана күнімен құттықтаймын. Сіздерге зор денсаулық, қажымас қайрат, отбасылық бақыт тілеймін! Отанымыздың жүрегі-Астанамыздың айбыны асқақ, мәртебесі биік бола берсін!
Қрметті аудан тұрғындары!
Сіздерді 6 шілде - Астана күні мерекесімен шын жүректен құттықтаймын!
Бұл мерекенің барша қазақстандықтар үшін айрықша орны бар. Ол біздің егемендігіміздің бір нышаны. Біз егемендік алғаннан кейін астанамызды өзіміз таңдауға қол жеткізіп, сайын даламыздың төрінен жаңа астанамызды тұрғызып, оны бүгінгі әлемдік деңгейдегі жиындар өтетін маңызды келісімдер орталығына айналдыра білдік. Дана халқымыздың “Бірлік бар жерде - тірлік бар” деген қанатты сөзі бар. Қазақстан халқы әлем жұртшылығына халықтар достығының үлгісін көрсетті. Бүгінгі күні Елордамыз Астана қаласында әлем жұртшылығын өзіне қаратқан “ЕХРО 2017” көрмесі өткізілуде.
Еліміз әлеуметтік - экономикалық және рухани дамуда. Мемлекетіміз Мәңгілік ел болу жолында өзінің даму бағдарын айқындап, әлемдегі ең дамыған 30 елдің қатарына ену жоспарын жүзеге асыруда.
Еліміздің тірегі, халқымыздың мақтанышына айналған Елордамыз - Астана күні мерекесі құтты болсын!
Құрметті байзақтықтар!
Осы мерейлі мереке күні баршаңызға қуаныш пен шаттық, дендеріңізге саулық, отбасыларыңызға бірлік пен береке тілеймін.
Аудандық мәслихат депутаттары атынан аудандық мәслихаттың хатшысы Н.Тлепов.
Құрметті аудан тұрғындары!
Сіздерді шын жүректен Астана күнімен құттықтаймыз.
Бүгінгі таңда елдің төрі - Елордамыз барша ұлт пен ұлыстың басын қосқан бірлік мекеніне айналды. Астана - қарыштап дамыған мемлекеттің нышаны, әлеуметтік-экономикалық өсіп-өркендеудің айқын дәлелі.
Сарыарқа төсінде қоныс тепкен алып шаһарда әлем елдерінің көшбасшылары бас қосып, пікір алмасады, тарихи маңызы зор шешімдерді қабылдайды.
Елдің мақтанышы саналатын көкке ұмтылған бірегей, зәулім ғимараттар жүрегімізді тебірентеді, мерейімізді тасытады.
Елорданың заманауи келбетіне шетелдік қонақтар таңданыспен қарауда. Астана ТМД бойынша ең қолайлы, ғажайып қала ретінде танылды.
Бұл біздің ортақ жетістігіміз. Жарқын қаламыз одан әрі өркендей берсін, біз ол үшін барлық күш-жігерімізді жұмсауымыз қажет.
Қуанышқа толы мереке күні Сіздерге зор денсаулық, шаңырақтарыңызға құт-береке, бастамаларыңызға сәттілік тілейміз.
“Нұр Отан” партиясы аудандық
филиалының Саяси Кеңесі. |
