Қайырымдылық – адамның бойындағы асыл қасиеттерінің бірі. Қайырымдылық мұқтаж жандардың қажетін өтеудегі ізгіліктің нақты көрінісі болып табылады. Сондықтан да əрбір жан иесі қайырымдылық істеріне араласып, бар ықыласымен мұқтаж жандарға қол ұшын берсе нұр үстіне нұр.

Ы.Алтынсарин атындағы орта мектебінде «100 мейірімді іс» акциясы аясында аймақтық қайырымдылық кеші

Құрметті Ұлы Отан соғысының ардагерлері, тыл еңбеккерлері мен майдангер ұрпақтары!
Сіздерді Отан қорғаушы күнімен және Ұлы Жеңістің 72 жылдығымен шын жүректен құттықтаймын!
Бұл мемлекеттік мейрамдар батырлардың даңқты рухын ардақтап, Отанға адал қызмет етуді айқындайтын айтулы күндер.
Ерлік-елге мұра, ұрпаққа - үлгі. Ұлы Жеңіс оңайлықпен келген жоқ.Майдангерлердің иығына аса ауыр жүк түсіп, Отаны, елі үшін от болып жанды, оқ болып атылды. Қаншама боздақтар ұрыс даласынан қайтпай қалды. Арын – байрақ, намысын найза еткен ерлердің қаһармандығы аңызға айналды.Адамзат тарихындағы ең сұрапыл соғыста біздің жерлестеріміз қайсар ерліктің үлгісін көрсетіп, есімдерін тарих бетіне алтын әріппен жазды. Ауданымыздан 3341-ден астам адам майданға аттанып, олардың 1583-і елге оралды. Жерлесіміз Ақәділ Суханбаев ерліктің өшпес үлгісін жасап, Кеңес Одағының Батыры атанды. Тыл еңбеккерлері де майдан үшін, жеңіс үшін жанқиярлықпен еңбек етіп, жауынгерлерді қару-жарақпен, азық-түлікпен қамтыды. Жеңіс күні адалдық пен еліне деген жанқиярлықтың үлгісін көрсеткен қаһармандардың рухы алдында бас иіп, тағзым етеміз. Ерлігімен тарих парағында өшпес із қалдырған аға буын алдында өлшеусіз қарыздармыз.Олардың есімдері халықтың жүрегінде мәңгі сақтала беретін болады. Тәуелсіздік тұғырының берік, еңсеміздің биік болуы да, еліміздің өркендеуі мен елордамыздың гүлденуі де – осынау мерекенің жемісі. Бүгінгі ұрпақ аға буын-ардагерлер танытқан қаһармандық пен қайсарлықтан үлгі алып, бой түзейді. Халқымыздың ерлігі мен даңқының жарқын көрінісін ұлықтаған даңқты мереке-батылдық пен ерліктің, қаһармандықтың символы, Отанға деген сүйіспеншілік пен адалдықтың өлшемі болып саналады. Бүгінгі таңда Қазақстан Республикасының Қарулы Күштерінің сарбаздары бұл даңқты жоғары абыроймен жалғастырып келеді.
Қадірлі соғыс ардагерлері мен тыл еңбеккерлері!
Ұлы Жеңіс мерекесімен құттықтай отырып, Сіздерге зор денсаулық, ұзақ ғұмыр, бейбіт өмір, отбасыларыңызға бақ-береке тілеймін!
Қымбатты Отан қорғаушылар!
Сіздерді Қазақстан Республикасы Қарулы Күштерінің құрылғанына 25 жыл толу мерекесімен шын жүректен құттықтаймын. Тәуелсіздік алған алғашқы жылдары еліміздің шекарасын айқындап, түпқазығын қақтық, іргемізді бекіттік. Сол шекарамыздың бекемдігі, аспанымыздың ашық болуы, ел бақытының баянды болуы-Отан қорғаушылар қолында екені бәрімізге белгілі. Осы міндетті мінсіз атқарып келе жатқан Қарулы Күштер - Тәуелсіздіктің, қоғамдағы татулық пен келісімнің  мызғымас тірегі болады деп сенемін.

Сіздерді Отан қорғаушы және Жеңіс күнімен құттықтаймыз!
Жеңіс күні-бәріміз үшін айрықша қымбат, қасиетті мереке. Бұл тек соғыста жеңіске жеткенімізді атап өтетін күн ғана емес. Ол - сол соғыста Жеңісті жақындату үшін жан аямай шайқасып, қан майданнан оралмай, еліміздің берік қорғанындай болған арыстарымызды еске алатын және ерлік көрсеткен аталарымызға құрмет көрсететін күн.
Отанымыздың бостандығы мен тәуелсіздігі үшін шайқастардағы ардагер аталардың теңдессіз ерліктері мен табандылықтары ғасырлар бойы жасай бермек. Бүгінгі таңда аға ұрпақтың ерліктерінен сусындаған сарбаздар ел қорғаны міндетін адал орындап келеді. Сондықтан қос мереке күні баршаңызға бақыт пен татулық, отбастарыңызға игіліктер тілейміз. Ержүрек және жігерлі адамдардың бұл мерекесі әрдайым қуаныштар әкеле берсін.

Байзақ ауданының мәслихат хатшысы Н.Тлепов,
аудандық мәслихат депутаттары.

Сіздерді Отан қорғаушы және Ұлы Жеңіс мерекесімен шын жүректен құттықтаймыз! 
Бұл - ерекше мереке. Біз бұл күні, Ұлы Отан соғысы ардагерлері, ерлік пен батылдықтың өлшеусіз үлгісін көрсеткен барлық жерлестеріміз, Ауғанстанның отты жолдарымен өткен ер жүрек жауынгерлер алдында тағзым етеміз. Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін!
Осыдан 72 жыл бұрын адамзат тарихында ең ауыр да қанды соғыстың соңғы оқтары атылды. Содан бері 1945 жылдың 9 мамыры жұртшылық жадында біздің халқымыздың ерлік үлгісі, мұқалмас қажырлығы мен мызғымастығының символы болып келеді. Кешегі солдаттарымыздың жасаған ерліктері мәңгілік және уақыт  ағысымен жоғалып кетпейді. Сол бір  қаһарлы соғыс жылдары алыстаған сайын оның маңызын біз ерекше ұғына түсудеміз. Аға ұрпақ алып берген Жеңіс бүгінгі күні де бізді жетістіктерге жігерлендіреді, жанымызға қуат береді, қиындықтарды жеңіп, алға  ұмтылуымызға көмектеседі. Сіздердің елді, жерді қорғаудағы батылдықтарыңыз бен батырлықтарыңыз бүгінгі жастар үшін де үлгі-өнеге болып келеді.
Сіздерге шын көңілден денсаулық, тіршіліктің ұзақ та жарқын алаңсыз күндерін, жан шуағын, жақын адамдарыңыздың қамқорлығы мен ықыласын тілейміз. Табыстар мен сәттіліктер мол болсын.

Ізгі ниетпен: «Нұр Отан» партиясы
аудандық филиалының Саяси кеңесі.

Осыдан 25 жыл бұрын Елбасының Жарлығымен елдік пен егемендіктің тірегі – Қазақстан Республикасының Қарулы Күштері құрылды. 7 мамыр – Отан, мемлекеттік мүдде, саяси қауіпсіздік пен дербестікті қорғайтын Отан қорғаушы күні.
Президентіміздің: «Патриоттық рух бізге ауадай қажет»-деген сөзі ақиқат. Өйткені, отаншылдық рухы қай заманда да қазақ халқының бойындағы айрықша қасиет болып табылған.
Армия – бұл орасан ұйымдастырушылық, материалдық, қаржылық, ғылыми және басқа да бұдан маңызды еш кем емес құралдар мен ресурстарды талап ететін мемлекеттік иститут және армияның жағдайы – мемлекеттің экономикалық қуаты мен әлеуметтік дамуының жинақталған көрінісі.
Қазіргі әскердің негізгі арқауы – офицерлер мен келісім-шарт бойынша қызмет атқаратын әскери қызметшілер. Келісім-шарт қызметкері – тек сенімді, бекітіп берілген техника мен қару-жарақты ұстауға ғана емес, сондай-ақ, өзінің тәжірибесін жас әскери қызметшілерге беруге де қабілетті білікті маман.
Құрметті Ұлы Отан соғысының қатысушылары мен тыл еңбеккерлері,  Сіздерді 7 мамыр – Отан Қорғаушы күні, 9 мамыр - Ұлы Жеңістің 72 жылдығы мерекесімен шын жүректен құттықтаймыз!
Ауыр күндердегі адал еңбектеріңіз бен белсенді азаматтық ұстанымдарыңыз үшін бас иіп, алғыс білдіреміз. Аға ұрпақ пен жас буынның Отанымызды қорғап, қызметте айтулы үлес қосқанын біз арқашанда мақтан тұтамыз. Еліміздің өркендеу жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.

Қанат Бошай.
Байзақ ауданы қорғаныс істері жөніндегі
бөлімінің бастығы, подполковник.