Өткен аптада аудан әкімі Бақыт Қазанбасов ҚР Қарулы Күштерінің құрылғанына 30 жыл толуына және 7 мамыр – Отан қорғаушы күніне орай, бір топ әскерилерді қабылдады.
Қабылдау барысында Бақыт Алпысбайұлы  бар ғұмырын Отанын қорғауға арнап, қызметін мінсіз атқарып келе жатқан әскери қызметкерлерді мемлекетіміздің айбынды мерекесі - Қарулы Күштердің 30 жылдығы және Отан қорғаушы күнімен құттықтады.
-Елдің біртұтастығы мен халықтың тыныштығын сақтауда айбынды сарбаздардың атқаратын рөлі жоғары. Ел тыныштығын қорғау, мемлекет тұтастығын сақтау жолындағы жауапты қызметтеріңе табыс,  мықты денсаулық, отбасыларыңызға амандық тілеймін,- деді аудан басшысы.
Бұдан соң сөз алған аудандық мәслихаттың хатшысы Бақтияр Ақбаев та ізгі лебізін жеткізді.
Әрмен қарай мереке иелеріне аудан әкімінің Алғыс хаттары мен сый-сияпаттары табыс етілді.
Қабылдау барысында әскерилер атынан сөз алған  №40336 Ақжар әскери бөлімнің командирі, полковник Сергей Ломов пен Қайнар ауылындағы №28349  әскери бөлімнің командирі, полковник Еркін Абдысадықов өздеріне көрсетілген құрметке алғыстарын айтты.

«Ауыл жаңалығы» - ақпарат.