Ел басына түскен сынаққа қарсы дер кезінде шара қабылдап, нақты шешімдер шығарған Президенттің іс-әрекетіне дән ризамыз. Мәжіліс отырысында Қасым-Жомарт Тоқаев елде орын алған жағдайға баға бере отырып, алдағы атқарылуы тиіс жұмыстарды нақтылады. Ол сөзден нақты іске көшетін уақыттың келгендігін баса айтты. Ендігі жерде жұдырықтай жұмылып, ел болашағы үшін
жауапкершіліктің жүгін арқалаған Президенттің маңына топтасуымыз маңызды деп білеміз. Бізде бір-ақ Отан бар. Ол – Тәуелсіз Қазақстан! Біз елдің бірлігін сақтап, тұрақтылықты қастерлей білуіміз керек. Ол үшін әрбір ел азаматы мемлекеттің одан әрі гүлденуі жолында аянбай еңбек етуі керек деп есептейміз. Ал мемлекет халықтың тұрмыс сапасын оңалту үшін пәрменді шаралар қабылдап жатқанын білеміз. Сондықтан Мемлекет басшысының тарапынан жасалынып жатқан шаралардың іске асуына үлесімізді қосып, ел мен жердің амандығы, тәуелсіздігімізден қымбат ештеңе жоқ екендігін ұмытпайық.
Әзімбек Ойықбаев, Дихан ауылдық ардагерлер кеңесінің төрағасы. |