Қымбатты ардагерлер, ақ жаулықты аналар және аудан тұрғындары! Сіздерді Жаңа 2014 жылмен шын жүректен құттықтаймыз! Жаңа жыл - әдемі мерекелердің бірі. Өткен 2013 жыл еліміз үшін аса маңызды оқиғалар мен іс-шараларға толы ерекше жыл болды. Тәуелсіздіктің 22 жылы ішінде
заманауи нарықтық экономикасы дамыған, берік демократиялық дәстүрлері мен жоғары халықаралық беделі бар мемлекетке айналды. Бабаларымыздың көп ғасырлық арман-мұраты орындалып, еліміз дамудың даңғыл жолына түсті. Өткен жыл біздің ауданымыз үшін де табысты болды. Халықтың әл-ауқатын көтеру жолында атқарылған тірліктер өз жемісін беруде. Олай болса Жаңа жыл әрбір шаңыраққа береке-бірлік, тыныштық пен молшылық ала келсін! Жылқы жылы сонымен бірге еліміздің өсіп-өркендеу жолындағы игілікті істер мен батыл жобалардың бастауы болып, әрбір шаңыраққа молшылық ала келсін! Баршаларыңызға мықты денсаулық, мол бақыт және шығармашылық табыстар тілейміз! |