Тәуелсіздік  мерекесіне орайластырылып, аудан әкімдігі жұмыспен қамту және әлеуметтік бағдарламалар бөлімінің ұйымдастыруымен және «Самұрық қазына» қорының демеушілігімен қайырымдылық шарасы ұйымдастырылды.
Атап айтқанда, «Жеңіс» жобасы аясында аталған қор үйлестірушісі, Жамбыл жол дистанциясы Қазақстан Темір жолы машинисті Азамат Сыдықов аудан аумағындағы 40 ардагердің  (Ұлы Отан соғысы ардагері, жесірлер мен тыл еңбеккерлері) отбасында болып, айтулы мейраммен құттықтап, азық-түлік өнімдері салынған қапшықтарды табыстады.Құрмет көрген  қариялар  ұйымдастырушылар мен демеушілерге алғыстарын айтып, батасын берді.

Динара УТЕПБЕРГЕНОВА,
аудан әкімдігі  жұмыспен қамту және әлеуметтік бағдарламалар бөлімі үйде арнаулы әлеуметтік қызметтер көрсету құрылымдық бөлімшесінің әлеуметтік жұмыс жөніндегі кеңесші маманы.