Жуырда, Сарыкемер ауылындағы орталық стадионда «Спорт діни экстремизмге қарсы!» ұранымен баскетболдан 2003-2004 жылы туылған жасөспірім ұлдар арасында Алтаев Ергеш Тазабекұлының жүлдесіне арналған облыстық турнир өтті.

Аталған жарысқа 8 командаға біріккен жүзге тарта спортшылар қатысты. Осы жарыста жүлделі орын алған командалар қатарында «Чкалов» атындағы орта мектебінің командасы бірінші орынға ие болса, біздің №2 балалар-жасөспірімдер спорт мектебінің баскетболшылары жүлделі екінші орыннан көрінді. Қос бірдей жүлделі үшінші орындар №1 облыстық мамандандырылған балалар-жасөспірімдер спорт мектебі мен Жамбыл ауданының құрама командасына бұйырды.
Жеңімпаз командалар мен жүлдегер спортшылар бағалы Кубок және медальдармен марапатталды. Аталмыш турнир №2 балалар-жасөспірімдер спорт мектебінің ұйымдастыруымен және Алтаев Ергеш Тазабекұлының демеушілігімен өтті.

«Ауыл жаңалығы» - ақпарат.