Жаң жыл қарсаңында «Интеллект Азия» жауапкершілігі шектеулі серіктестігі атынан әлеуметтік қолдауды қажет ететін 70 отбасыға және 25 мүмкіндігі шектеулі жандарға жаңажылдық тарту жасалды.
Бәйтерек ауылдық округіне қарасты «Арзан» сауда үйінде аталған ЖШС-інің Сарыкемер ауылы бойынша учаскесінің басшысы Зауырбек Дуанбеков көпшілікті Жаңа жылмен құттықтап, балаларға және көпбалалы жанұяларға қамқорлық жасау - ізгілікті іс екендігін атап өтіп, ізгі тілегін білдірді. Бұдан соң 18 ауылдық округтегі әлеуметтік жағынан қолдауды қажет ететін
отбасылар мен мүмкіндігі шектеулі жандарға 5 литр сұйық май, 25 келі ұн, 2 келі макарон, 5 келі күріш, 1 келі шай салынған жаңажылдық қоржын табыс етілді. «Қамқор» акциясы аясында өткен қайырымдылық шарасының қайырымын көргендер алғыстарын айтты.
Өз тілшіміз. |
Обновлено 06.01.2020 12:00 |