осындай тақырыппен Түймекент орта мектебінде  директордың әдістемелік оқыту ісі жөніндегі орынбасары Ұ.Керимкулованың ұйытқы болуымен даму пәндерінің он күндігі ұйымдастырылды.

Шараның ашылу салтанатында мектеп директоры М.Уразбаев сөз сөйлеп, он саусағынан өнер тамған  жеткіншектердің өнерін ұштауға ықпал ететін  онкүндіктің маңызына тоқталды. «Шеберлікке шек жоқ» тақырыбында көрме ұйымдастырылып, онда оқушылардың  моншақтан жасалған бұйымдарымен қатар, әр түрлі тоқыма бұйымдар  қойылды. Әсіресе, 7 «а» және 6 «в» сыныптарының оқушылары А.Құттыбаева, З.Ерсейіт,  8 «ә» сыныптың оқушысы Б.Жандосқызы, 8 «а»  және 8 «ә» сыныбының оқушылары А.Жайсан мен Н.Әбжапарованың туындылары  айшықтығымен дараланды.Ұлттық өнерді дәріптейтін өлең-жырлар оқылып, әндер шырқалды.
Сонымен қатар, онкүндік барысында пән мұғалімдері К.Киркимбаева, Ж.Дүйсенбаев, Б.Мұхаммадиев, А.Сырлыбаева, С.Оразов, З.Жумадилова, Қ.Мамырбаев, Ғ.Мырзамбетова, Ж.Каримбеков ашық сабақтар өткізсе, 5-7 сынып оқушылары арасында Б. Алишеваның басшылығымен ән байқауы ұйымдастырылды. Ұстаздар К.Киркимбаева мен А.Сырлыбаева қолөнер және сурет өнері бойынша өткізген байқаудың жүлдегерлерін марапаттады.
Өнер додасында 1 және 6-сынып оқушылары қатысқан сурет көрмесінде 4 «а», «б», «г», 5 «б», 6 «а», «б» сыныптарының оқушылары Н.Берік, С.Тулебаев, Р.Нұралы, Қ.Карсаков, С.Бижанова, Ұ.Нұрлыбаева, С.Ембергенов, М.Сердалы, Ә.Жарасұлы, С.Босқанованың туындылары көпшілікті тәнті етті.

А. Сырлыбаева.
Ұстаз.