Қасиетті қазақ жерінде 130-дан астам этнос өкілдері тату-тәтті ғұмыр кешуде.Тәуелсіз елімізде барлық ұлттар мен ұлыстардың  әдет-ғұрпы мен салт-дәстүрiн сақтап, тарихын дамытуға толық мүмкiндiк жасалған. Елбасының салиқалы саясатының арқасында еліміз әлемге танылды. Ынтымағы  жарасқан, тұрақтылықтың туы тігілген елімізде күллі қазақстандықтар бір мақсатқа жұмылып, озық 30 мемлекет санатына қосылу міндеті тұр. Осы міндетті іске асыру үшін халықтар достығы мен бірлігін нығайтудың маңызы зор.
Елбасы «Болашаққа бағдар:  рухани жаңғыру» атты мақаласында  өткеннен сабақ алып, замана ағымына қарай икемделу арқылы жаңа дәуірдің жағымды жақтарын бойға сіңірудің бірнеше бағытын атап көрсетеді. Шындығында да  жаһандану дәуірінде жеке адам ғана емес, тұтас халықтың өзі бәсекелестік қабілетін арттыру арқылы табысқа жетуге болатындығы, ұлттық кодты сақтай  білу маңызды. Ең бастысы-ел бірлігін көздің қарашығындай сақтап, тәуелсіздікті баянды ету, өсіп келе жатқан жастар санасына рухани құндылықтарды сіңіру-әр азаматтың міндеті деп білемін.

Ж. Малибекова.
Аудандық соттың бас маманы.