Бүгінде халық қалаулылары республикамыздың өңірлерін аралап, Елбасы Жолдауын ел халқына насихаттауда. Осы мақсатта ҚР Парламенті Сенатының депутаты Ертарғын Астаев ауданымызға келді.
Суханбаев ауылдық округіне қарасты Жақаш ауылы тұрғындарымен болған кездесуде Сенат депутаты Е.Астаев үстіміздегі жылдың 31 қаңтары күні жарияланған  Мемлекет басшысы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауында сөз болған бес басымдықты кеңінен түсіндіріп берді. Құжатта адам капиталын дамытуға айрықша мән берілгенін атап өткен халық қалаулысы озық 30 елдің қатарына қосылу жолында жастардың жақсы білім алып, еңбек етуі маңызды екендігіне тоқталды. Бесінші басымдықтағы  институционалдық өзгерістерге, қауіпсіздік және сыбайлас жемқорлықпен күреске ерекше назар аударып өтті. Ел Президентінің Үндеуі, Конституция мен Заңдарға енгізілетін өзгерістерге түсінік берді.

Өз тілшіміз.