Аудандық мәслихаттың жұма күні өткен кезектен тыс ХХХХХ сессиясында қоғамдық кеңестің құрамы туралы мәселе қаралды. Оған аудандық мәслихат хатшысы Н. Үкібаев төрағалық етті.
Сессия жұмысына аудан  әкімі  аппаратының басшысы Б. Ақбаев қатысып отырды.
Сессия күн тәртібіне енгізілген “Қоғамдық кеңестің  құрамы” туралы мәселе бойынша  аудандық мәслихат хатшысы, Байзақ ауданы Қоғамдық кеңесін қалыптастыру жөніндегі  Жұмысшы тобының төрағасы Н. Үкібаев хабарлама жасап, сессияға қатысушыларды Жұмысшы тобы қалыптастырған ауданның Қоғамдық кеңесінің құрамымен таныстырып, ұсынылған құрамды бекітуді сұранды.
Жоғарыда көрсетілген мәселе аудандық мәслихат депутаттары тарапынан талқыланып, тиісті шешім қабылданды.
Мәслихаттың кезектен тыс сессиясының жұмысына аудандық әкімдік, мәслихат аппараттарының қызметкерлері, мәслихат депутаттары, ауылдық округ әкімдері, мекеме, ұжым басшылары қатысты.

Өз тілшіміз.