Үстіміздегі жылы Қазақ хандығының 550 жылдығы аталып өтілмекші. Егемендік пен елдікті, татулық пен тұрақтылықты, отансүйгіштік пен патриотизмді насихаттайтын атаулы мерекенің маңызын  өсіп келе жатқан ұрпаққа түсіндіру, олардың бойында  өзінің  туған жері мен  өткен тарихына, ел басқарған хандары мен  батырларына деген құрметті қалыптастыру  мақсатында ауданымыздың барлық   білім ошақтары мен  кітапханаларында іс-шаралар өткерілуде.

Жақында Ботамойнақ ауылдық округіне қарасты  Байзақ ауылдық кітапханасында  «Қазақ хандығының құрылғанына 550 жылдығына” орай  кітапхана меңгерушісі Г.Бозғұлова «Ұлы даланың Ұлы тұлғалары» атты тарих сағатын өткізді.
Маңызды шараға клуб меңгерушісі Ш.Тоқболатова, С.Абланов орта мектебінің тәлімгері Г.Баяділова, “Жастар орталығының” маманы Н.Есіргенов, С.Абланов орта мектебінің 6-8 сынып оқушылары және балалар мен жасөспірімдер шығармашылығы орталығының оқушылары қатысты.
Тәрбие сағатында кітапханашы қазақ елінің тарихынан сыр шертіп, қазақ елін біріктірген Керей мен Жәнібек ханның елі үшін атқарған ұлан ғайыр еңбегі, сол дәуірдегі қиындықтар туралы кеңінен мағлұмат берді. Сонымен қатар  “Ақтабан шұбырынды, Алқакөл сұлама” кезінде  халқымыздың басы түскен ауыртпалық слайд арқылы көрсетіліп, «Қазақ хандығының құрылуы” дәуірінен  кеңінен  ақпарат берілді.
Шара соңы  «Қазақ хандығының құрылуы -ел тұтастығының кепілі» атты кітап көрмесіне ұласты.

Өз тілшіміз.