Жалғызтөбе ауылдық округінде жастардың жан жақтылығы, шеберлігі мен шығармашылық идеяларын дамыта отырып, ерекше қабілеттерін арттыру мақсатында Жетібай ауылдық клубында жастар арасында «Профи - 2024» аймақтық байқауы болып өтті.
Аталған байқауға кондитер саласы бойынша 6 кондитер, аспазшы саласынан 3 аспазшы және де тігінші саласынан 4 тігінші қатысып, өз өнерлерін ортаға салды.
Барлық қатысушылар ережеге сәйкес бақтарын сынап, арнайы белгіленген әділқазы алқаларының шешіміне сәйкес  «Үздік кондитер» аталымы бойынша Бәйтерек ауылдық округінен келген Анар Амирханова, «Үздік аспазшы» номинациясына Жалғызтөбе ауылдық округінен Куляш Карбозова, «Үздік тігінші» атағына Алтынай Орманова лайық деп танылды. Жеңімпаздар  арнайы дипломдар және бағалы сыйлықтармен марапатталды.

Айдана Медетханова,
Жалғызтөбе ауылдық округінің жастармен жұмыс жөніндегі маманы.